مع محمد ول آدبّ

  

ندخل مباشرة فى عالم يرسم معالم الحياة فى أوضح وأنبل صورها لأنها نابعة من بلد طيب ( والبلد الطيب يخرج نباته بإذن ربه ....)

إحدى روائع الأدب الحساني في التوسّل ، للأديب الكبير محمد ول آدب رحمه الله..

يقول: 

قولك حق و وعدك لـــــذاك~~~صدق ءُ ذاك افلكتاب انجاب

وافلكتاب آمرت ابدعــــــاك~~~ووعدت افلكتاب ابليـــــجاب

ياربي لك بيك اتوســــــلت

واتحصّنت امن الكاره وتـــ

ـــهمت انّي فامنين اتحصّـنت~~~بيك امن الكاره عاد اسراب

وامن اشغاب اللي هاين كنت~~~بالِي رحتُ من كل اشــــــــغاب

رحت و ذاك الباب الّلي فأت~~~~درتك تفتح لي عن لـــسباب

اضعفت و لك بيك اتوسلت~~~يا لله افتح لي ذاك البـــــــــــاب

اعدمت الشبّاب اتفــــگّدت ~~~أنّي ظرك اعدمت الشـــــباب

نجمي غاب امنين اتفگّدت~~~اتفگّدت انّي نجمـــــــــــي غاب

راصي شاب و بامناتي عدت~~~واحشمت امْنْ انّي راصي شاب

ماشي طلاب و لاسكَّنت~~~~مسلَة فت و فاصل فاحــــــجاب

و لرباب اللي غيرك فرَّطت~~~افرَجـــــــاهم مادرت أرباب

دونك ، ماهي صواب اگعدت~~~انحاني ذا لْ گلت افلكتاب

من ليجاب الّي بيه اوعــــدت~~~مزلت افحنويت لـــــــــــحجاب

بيك ارجيتك يگراب افصلت~~~افلحجاب ابجاهك يـــــگراب

يااللّي كنت اقديم و مزلـــت~~~وامع انَّك ما فيهَا تكــــــــــــــــــــذاب

قولك حق أُوعدك لذاك

و له أيضاً رحمه الله :

دمع العين اليوم ابلا فيه=اجميل اعلَ سبّت لكتيل

فرْظْ إسيل و لگبيل اعليه=فرْظْ إيسيل ابلا فيه اجميل

تفگاد الحلَّه سهَّانِي

تجلاجُ عن بعْدْ أوطانِ

مانِ متفگّد شِ ثانِي، =واللَّ تايب لك يالجليل

احجل لِّي شِي ثانِي مانِي =ناسيه اتفگَّدتُو ثــَــــقيل

دهر امگيل الناس اتحانِي= حر الصيف إفوت افلمگيل

لگبيل افلگصر متگانِي= هانِي ماهُو فالصيف ارحيل

إحانِي لخظار و هاني=فالظل و متلاحگ لگبيل

ابكي لك يالعين أرانِي =طيتك لذن افتبكِي وِيسيل

دمع العين اليوم ابلافيه....

و يقول أيضاً : 

وهذه الطلعة في بت لبير..وربما الوحيدة في هذا البت

واجع لخلاگ إلى ابعاد

واد أشاريم او بـَر زاد

واد الرشيد و بر واد=ارجِي والواد امراجع

صدرُو وامراجع كل عاد=واد و حيوانُو ناجع

يا الراجع سابگ ما انزاد=تشباشِي كانك راجع

سير إنِيمِي ماتيت گاد=ما تعطِي فيه امراجع

واتكورر باشْوِي غير بعد=الشاف اشْوِي متواجع

راجع لشْوِي ما فيه حد= ألّا ترگــــــاب اماجع

يقول ولد آدب:

اشوِي مَحَد اشوِِي ينجاه

جيناه اخظنا فالتنزاه

دهر احذاه افوجهُو واكٌَفاه=حد الاه أصلُو ماه اقشيم

من لاح أنكٌَِيم أُموراه=يعرفني عند اشوي مُقيم

ماني داير حريم امعاه=ولٌَا زاد امعاه افحريم

أشاريم انتيٌِ من ماه=حارك فيه اعليٌَ نسيم

اغنولِي فيه اترباه=بيني واياهم عهد اقديم

أشاريم اعرفتو فاليام=مزال أشاريم اشاريم

واشو زاد اعرفت التنعام=فاشو مزال اشو نعيم

فيك اصديكٌ ايلَا شفت اطريكًْ

لمراحل وركبت امن الظيكً

الْ لفريكً ء طيت اطّوليكٌ=فيه افلمتيمش تتنيمش

شوفت لمتيمش فيك اصديكً= يالعكًل و هي لمتيمش

وامتيمش شوفت زاد افريكً=اصديكً افسهوت لمتيمش

لَيْن ابعدتِ وكر إحيَّاك

وانتسك وانتِ ما فقتِ

مافقتِ يالعين أُرذاك=إلين اتعديت فقتِ

واتعديت فـَلْوْتنكٌ=ناكَ واوكرهَ واقرنكَ

وامشيت تل إلين ابكَ=كَيبان أُجكَنا عكَّبتِ

لكَصرهَا وابعدت ملكٌ=لبطاح أُبنيهمكْ شفتِ

ماذا من شِي بعدو يبكٌي=فيك ابعدتيه أُلا فتِّ

فقتِ بيهَ لاه ِ نلكَ = ملانَ بعد اللَّ زكَتِ

لين ابعدتِ وكر إحيَّاك

اسبوع إظل فيه اجموع=الغيد اعل راص إحياك 

مجلاّت إحياك اسبوع =مزالُ فالناس إحياك

= 

زهدنِ فوعيد امن ابعيد=ارجِ وِِدوجن والرشيد

ياشر عاد إزهد فوعيد=ذ الوكر أُذاك الوكر أُذاك

ماهُ حدافوكرك من سيد=الوافِ يالوكر أُلبراك

أُلاه برك إجيك التوحيد=ذكَدُّ والفكر واخلاك

امن اهلك وافطن غير إزيد=اخلاك امن أهلك زاد اخلاك

يالوكر أياك الله إعيد=باهلك وامنين إريد احذاك

اتعود الحل فم إريد=امن ابعيد إريدك مراك

غير احلفتنِّ يالمجيد=ماننس يمالك لملاك

اسبوع إظل فيه اجموع الغيد=

وازهدت افلبتيت أُقزيت =انِّ زاد ازهدت افلبتيت

مال لعد ابلحباب اتليت=ازهدت افلحباب امنراك

وامن اعدك مالتهيت أُريت=من تقلاب الدهر أُلفلاك

ياسر وافطنِّ ماشكّيت= مراك انِّ لاهِ ننساك

جدبك ريظ عندِ تميت=واهلك واربيعك ذوك أُماك

امنين ارخاوك مارتخيت =عندِ تميت الا بغلاك

غير آن نفن ماسويت= واسو ما تبكَ فيك امعاك

اسبوع إظل فيه اجموع=

يقول ولد آدب ..

ذي لكويرية يخزيه = لا تميت أعلَ ذي الخبطَ

وأتركَب في عينيه = لا هي نستكور ما نبطَ

يا عباد الله الصالِ = حين كَومولي يرجالِ

كَوم لكويري بالِ = مرت بيه أبكَيت أفورطَ

مفات الليل ولالي = يرجالِ دور من معطَ

ملان بالي يبكَالي = بالي مغداه أمن المرطَ

ولا دورو لِ فالحالِ = نجبر يعمله لي شكطَ

لكوريَ يخزيه = لا تميت أعل ذي الخبطَ 

وأتركَب في عينيه = لا هي نستكور ما نبط

ولي فالدنيَ متمني = من شي كامل كَط أمكني

ولَ عنك كَط أشطني = نتان هون أو لا نبطَ

بيه إلي يسو مافني = ماكني ولا عندي غبطَ

ذي لكورية يخزيه = لا تميت اعل ذي الخبط 

واتركَب في عينيه = لاهي نستكور ما نبط

وأحويلي فم أتحزمتيه = يدب قصدك كتل بيه

وأكَليب أمن الفظَ درتيه = لمعلم كيفن شب

أنتي كَاع أشلك بيه إريه = يدب يختي يدبُ

ذاك اليم إلي بنتي بيه = يدبُ شنهوَ طبُ

أفيمك حجلي طربي = يدب يسعد ألحبُ

يكَطع أبدبُ يكَطع بِ = دبُ مفيلح دبُ

كَابلتك وأبغيتك وأجريـت=فخلاكَك وأعطيت التيليـت 

فأخلاكَك ما بعت ولا طيت=سارحه تميت أبـلا عـار 

ما كَلتي واسي ما واسيـت=ما نكَليت أفمسـل تنـدار 

غنيت أعليك أولا خليـت=دار أنـزلـتـيـه ولا دار 

كَط أخطيتيه مـا غنيـت=أعليه واهجارك وامـرار 

لفظك زاد أعليهم طبيـت=ما لتهيت أفكثرت لخبـار

البال ءلاهِ عن ترطال=عن مجال اجر التعدال

امعاك امّابِ ما يُسال=حكً البال اتمابيه امتين

وامّابِ ماهُ عن تخذال=عن تركك مزال ءُ حَزين

واللعين اسمع ذاك الحال=انكًال ءُ زادُ ذاك اطعين

مَخَلّ تركك ما ينكًال=مزال اراهُ ماهُ بين

ليدين ء لمجيلك مزال=ماهُ بين املِّي ليدين

والبين الخلطَ ماهْ اشوي=الِّ بين الخلطَ لثنين

امتين ءُ لا فت اعرفت أي=الخلطَ لثنين امتن دين

ويقول أيضا:

لا تجّلّج عنك يزراكً=لحرج واخلاكًك لا تظياكً

خلِّ عنك تظياكً اخلاكً=كًلتت ول ابّخَي اشويْ

وانكَدَيْ ءُ ذاك المعلاكً=الِّ دون ازراكً انكَدَيْ

كًلّت زَيْ افوكرك تزماكً=انت مانك مشتاكً الزي

صدرك حي اولَ بالتطراكً=ريت التاكً اعلَ صدرك حي

وامحشش لُدي الفطباكً=امعَ كًلتت ول ابخَي

واعلَ ري العين الِّ تاكً=الْ لُدي امحشش لُدي

غلايك حي ابلا تركًاكً=مزال افكًايد زاد الحي

يخي ءُذيك الكًلَّ فيك=لا تحسبهَ عنَّك من دَي

عن غَدرَ مانِ حي اعليك=اتجد اعليك انت يخي

مَحَدِّ حي ءلا نعطيك=فبلد ثانِ مَحدِّ حي

ويقول

لخصارَ بين الخوّانَ=وانَ سبّتهَ لخصارَ

ماهْ اخصارَفيَّ وانَ=مانِ فيهَ زاد اخصارَ

يقول ول آدبّ رحمه اللّـــــــــــــــــه:

اَشْوِ..كَنْت البظان اتجيك=تبغيك الكَطْ انكَال اعليك

تحكيه اعليك ولاناسيك =حدْ امْن احبابك يعرف كان

وتجيك البظان وتبغيك=وافلغن تسميك الشبان

برْكان أزوان اتماسيك =واعليك اتبكَّرْ بزوان

واتبان الدنيا كَلّت فيك=الدنيا محل النقصان

لمْ الْفيك امن الغيظ اسكت=عت افنوبة مكَطوع السان

خوف ابان انت ساهِ عت=اسكت لاتبك لاتشيان

هذ كَاف ْ هون, ازوين حت , اسمعت أن ّ ُ الْ محمد ول آدب:

شفت اكويريـّه يمـْه َ=اعل َ لكور برّان ِ

بظانيـّه وللّ امـْه َ= منخلعه من ْ بظان ِ

ربِّ بيكْ اسْألْتكْ ضعيف = ما نِنگِطْ سِبَّ كيف اللِّيفْ

نَكِيرَ ما عندي تعريف = يللطيف افْ حال الضِّعافْ

فات اضعاف الجسم ونَحيف = واگيامي بالسَّيفْ ونِنْحافْ

ألا بالتسياف وبالسَّيْف = نگعد كيف اگعاد الزَّحاف

يَنَفْحِتْ لَلْطافْ اسْرِ كيف = سَرَيان الطَّيْفْ افْ لَلْطَافْ

تاثيرك ينشاف اف لخريف = وفالصيف وفي الْمَشْتَ ينشاف

للعبد الِّ خافْ اتـخَاليف = لِمْدايِينْ اجِرُّ لِتلاف

لا ننضاف الْ شِ يالطيف = الضعيف اصْلُ لُ ينضاف

امْنْ اتلاف يوَدِّي لِكْرِيفْ = عنْ لِقْرِيفْ الْ حَوْمِتْ لَضْيَافْ

ماهْ ابتِشْفاف ولا تطفيف = يا رَبِّ والضيف إيلَ ضاف

واستضاف الْنَ ذاك الضيف = يَجْبَرْ شِ نظيف ولِقْلافْ

ايراه ولِفراش النظيف = ايراه ولا حاصل لِخْلاف

انك قادر مُولَ تصريف = اتصَرَّفْ فِعبيدك تِصْراف

بين الكاف اجعَلْ حالِ زين = والنون ابْحرْمِتْ نونْ وقاف

ماهْ ابتِسْيافْ وهوَّ عين = اليقين امْرَكْ دونْ انكَافْ

ولا حاصل لِخْلاف انُّ بَينْ = النون ايلَ رِدْتُ والكَافْ

                                                                         الشاطئ الأبيض